წილადების შედარება: წილადების მოდელები

ამ ვიდეოში მინდა, შევადაროთ წილადები შვიდი მეათედი და რვა მეცხრედი. როგორც ყოველთვის, მოგიწოდებთ, დააპაუზოთ ვიდეო და თავად სცადოთ, გაარკვიოთ, რომელია მეტი, ან ტოლი რომ არ არის. ამ ვიდეოში მინდა, ვიზუალურად წარმოვადგინო წილადები და ისე ვიფიქრო. ამისთვის გამოვიყენებ ერთი ზომის წრეწირებს, როგორც მთელს. მოდით, აქ დავხატავ. ასე... ორივე არის მთელი, ერთი ზომის. ვაპირებ, შევადარო ამ მთელი წრის შვიდი მეათედი ამ მთელის რვა მეცხრედს. ეს ორი წრე ზუსტად ერთი ზომისაა. თუ უფრო მცირე წრის შვიდ მეათედს შეადარებდით უფრო დიდი ზომის რვა მეცხრედს, ან უფრო დიდი ზომის წრის შვიდ მეათედს შეადარებდით უფრო მცირე ზომის წრის რვა მეათედს, მაშინ, უბრალოდ, ვერ შეძლებდით შედარებას. მაგრამ ჩვენ ერთნაირი მთელის შვიდ მეათედსა და რვა მეცხრედს ვადარებთ ერთმანეთს. როგორც ხედავთ, წინასწარ დავხაზე ისე, რომ წრეები ერთი ზომისაა, მაგრამ თითოეული სხვადასხვა რაოდენობის ნაწილებად დავყავი. აქ, რადგანაც მეათედები მაქვს, ათ ნაწილად დავყავი წრე, 1, 2, 3, 4, 5, 6, 7, 8, 9, 10 ნაწილად მაქვს დაყოფილი. აქ კი, რადგანაც მეცხრედები მჭირდება, ხედავთ, რომ წრე 1, 2, 3, 4, 5, 6, 7, 8, 9 ნაწილად დავყავი. ახლა მოვიფიქროთ, როგორ უნდა გამოვსახოთ შივიდი მეათედი. შვიდი მეათედი წარმოადგენს ამ ათი დანაყოფიდან შვიდს. მოდით, გავაფერადებ. გასაფერადებელ ხელსაწყოს გამოვიყენებ. ანუ, გვინდა გავაფერადოთ ათიდან 1, 2, 3, 4, 5, 6, 7 დანაყოფი. ახლა ვნახოთ რვა მეცხრედი. რვა მეცხრედი აღნიშნავს ამ ცხრა დანაყოფიდან რვას. 1, 2, 3, 4, 5, 6, 7, 8 დანაყოფი. ესე იგი, რომელია უფრო დიდი? წომელი წილადია უფრო დიდი? ნათლად ვხედავთ... ხომ გახსოვთ, რომ ზუსტად ერთი და იმავე მთელის რვა მეცხრედსა და შვიდ მეათედზე ვსაუბრობთ. როგორც ხედავთ, უფრო მეტი მაჯენდა გვაქვს გაფერადებული, თუ ვარდისფერი, ვიდრე ლურჯი. ანუ, რვა მეცხრედი ამ ორს შორის უფრო მეტია. ან, შეგვიძლია ვთქვათ, რომ შვიდი მეათედია რვა მეცხრედზე ნაკლები. კიდევ ერთხელ, ასე ვიმახსოვრებ, რომელი სიმბოლო უნდა გამოვიყენო: ყოველთვის მინდა, რომ ღია მხარე იყოს უფრო დიდი რიცხვისკენ, ხოლო წვერი მიმართული იყოს უფრო მცირე რიცხვისკენ. ანუ, შვიდი მეათედი ნაკლებია რვა მეცხრედზე.