მონაცემების გადატანა წერტილოვან დიაგრამებზე

მოდით, გავივარჯიშოთ ახლა წერტილოვანი გრაფიკების შედგენაში. წერტილოვანი დიაგრამების შედგენაში, უფრო სწორად. და შევუდგეთ ხანის აკადემიაზე არსებულ სავარჯიშოებს, რომელიც ზუსტად ამას ეხება. გაზომეთ თითო ხაზის სიგრძე ერთი მეოთხედი დუიმის სიზუსტით და შეაგროვეთ მონაცემები წერტილოვანი დიაგრამისათვის. ესე იგი, რას ვაკეთებთ ახლა: გვაქვს მოცემული, აი, ეს ძვირფასი ნივთი — სახაზავი. და გვაქვს მოცემული სამი ხაზი. გვინდა, რომ გავზომოთ თითოეული ხაზი ამ სახაზავით და, ქვემოთ მოცემულ, აი, ამ გრაფიკზე, მოვნიშნოთ წერტილები. ანუ, თუ, ვთქვათ, მე გავზომე ხაზი და მისი სიგრძეა ხუთი — მოვნიშნავ აქ ხუთს. თუ გავზომე კიდევ ერთი ხაზი და იმის სიგრძეც ხუთია — მოვნიშნავ ისევ ხუთს. და, აი, ორს შეესაბამება უკვე. თუ მესამეს სიგრძეა შვიდი — მოვნიშნავ შვიდს. და ამ ლოგიკით გავაკეთებთ, მოკლედ, ამ სავარჯიშოს. მოდით, ვნახოთ. დავიწყოთ პირველი მწვანე ხაზით, დავამთხვიოთ ხაზის დასაწყისი სახაზავის დასაწყისს და, როგორც ხედავთ, შეესაბამება ოთხ მთელ ერთ მეორედს. ანუ, ოთხ-ნახევარს. ნახეთ, ზუსტად არის ოთხსა და ხუთს შორის, იმედია ჩანს, ცოტა ცუდად ჩანს, ალბათ, აი, ასე უკეთ გამოჩნდება. ოთხსა და ხუთს შორის მთავრდება ზუსტად, ამიტომ ოთხ-ნახევარს შეესაბამება. და, მოდით, აღვნიშნოთ ოთხ-ნახევარი, აი, აქ. შემდეგი. შემდეგი ხაზი. წითელი. აი, ასე ვიზამ, აი, ასე. შეესაბამება ხუთს და კიდევ ერთ ნიშნულს. რადგან, ამ შემთხვევაში, ოთხი ნიშნული არის მთელებს შორის და, მართლაც, წერია კიდეც. ესე იგი მეოთხედების სიზუსტითაა ეს ყველაფერი დაცული. ამიტომ მეოთხედი იქნება ეგ ნიშნული და აღვნიშნოთ ხუთი მთელი ერთი მეოთხედი აქ. და, ბოლოს, ისევ დავამთხვიოთ დასაწყისები ერთმანეთს და ეს ზუსტად შეესაბამება ოთხს, ამიტომ ამისი სიგრძე იქნება ოთხი. აბა, ვნახოთ. სწორია. შემდეგი. გაზომეთ თითო ხაზის სიგრძე ერთი მეოთხედი დუიმის სიზუსტით და შეაგროვეთ მონაცემები წერტილოვანი დიაგრამისათვის. მოდით, ვნახოთ. ისევ სამი ხაზი გვაქვს, ისევ, პრინციპში, იგივე დავალებაა. უბრალოდ, რატომღაც, ვითომ წინა მონიშნულები დატოვა? არ ვიცი, მოდით, მოვაშორებ ამათ. ვნახოთ. დავიწყოთ პირველი ხაზით. დავამთხვიოთ საწყისები ერთმანეთს, ეს არის... შვიდ-ნახევარი. დავწეროთ შვიდ-ნახევარი, აი, აქ. შემდეგი. მეორე არის... შვიდი მთელი სამი მეოთხედი, ნახეთ. შვიდი მთელია აქ, აი, აქ არის შვიდი მთელი. და მერე კიდევ 1, 2 და მესამე მეოთხედთან მთავრდება. ამიტომ, ეს იქნება შვიდი მთელი და სამი მეოთხედი. ოღონდ, ერთი ცალია ასეთი, ორი არ არის. და, ბოლოს. ეს იქნება რვა და რაღაცა, ალბათ. ცხრამდე მიდის, ეს არის, ესე იგი, ცხრა. შეესაბამება ამის სიგრძეს ზუსტად ცხრას. ანუ, ცხრა, ამ შემთხვევაში, დუიმს. მოდით, ერთსაც გავაკეთებ. ჯეიკმა გაზომა ყველა სასრიალო თავის სკოლაში ერთი მეოთხედი იარდის სიზუსტით. აი, ეს არის ცხრილი მოცემული. ააგეთ წერტილოვანი დიაგრამა, რომელზეც მოცემული იქნება ყველა გაზომილი სიდიდე. მოდით, გავაკეთოთ, ძალიან მარტივია. ჩქაროსნული ვერცხლისფერი სასრიალო არის ორი მთელი ერთი მეოთხედი იარდი. ამიტომ ორი მთელი და კიდევ ერთი მეოთხედი აღვნიშნოთ. შემდეგ. დაკლაკნილი მწვანე არის ერთი მთელი ერთი მეორედი, ამიტომ, ერთი მთელი და ერთი მეორედი. ერთი მეორედი არის ნახევარი, ანუ, ერთსა და ორს შორის — იგივე ორი მეოთხედი. შემდეგი: საშიში ყვითელი სასრიალო არის ორი მთელი ერთი მეოთხედი, ისევ, და, რადგან ერთი გვაქვს, მეორე მოვნიშნოთ. არა, მეორე, მესამე არა. და, ბოლოს, ბორცვიანი ლურჯი, სამი მეოთხედი. ესე იგი, ერთზე ნაკლები, სამი მეოთხედი, აი, აქ. ესეც ასე. (სუბტიტრები შექმნილია ამინ ალაზოვის დახმარებით)