მცენარეული და ცხოველური უჯრედების მიმოხილვა

რით განსხვავდებიან მცენარეული და ცხოველური უჯრედები?

• მიტოქონდრიები ცხოველურ უჯრედებსაც აქვთ და მცენარეულებსაც, მაგრამ ქლოროპლასტები მხოლოდ მცენარეულ უჯრედებში გვხვდება. მცენარეები შაქარს საკვების მიღებით არ მოიპოვებენ, ისინი მზის სინათლის მეშვეობით წარმოქნიან მას. ეს პროცესი (ფოტოსინთეზი) ქლოროპლასტში მიმდინარეობს. შაქარი წარმოქმნის შემდეგ მიტოქონდრიების მიერ იშლება და უჯრედისთვის საჭირო ენერგიად გარდაიქმნება. ვინაიდან ცხოველები შაქარს საჭმლიდან იღებენ, მათ ქლოროპლასტები არ სჭირდებათ: მხოლოდ მიტოქონდრიები.
• ვაკუოლები მცენარეულ უჯრედებსაც აქვთ და ცხოველურებსაც. მცენარეული უჯრედი შეიცავს ერთ დიდ ვაკუოლს, რომელიც შესანახად გამოიყენება და უჯრედის ფორმის შენარჩუნებას უწყობს ხელს. ამის საპირისპიროდ, ცხოველურ უჯრედებს მრავალი პატარა ვაკუოლი აქვთ.
• მცენარეულ უჯრედებს უჯრედის კედელიც აქვთ და პლაზმური მემბრანაც. მცენარეებში უჯრედის კედელი პლაზმურ მემბრანას გარს არტყია. ამის მეშვეობით მცენარეული უჯრედი მისთვის დამახასიათებელ მართკუთხა ფორმას იღებს. ცხოველურ უჯრედებს მხოლოდ პლაზმური მემბრანა აქვთ, უჯრედის კედელი კი — არა.