იპოვეთ თქვენი მოსწავლეებისთვის შესაფერისი მასალა

გაიგეთ, როგორ მოძებნოთ, აირჩიოთ და დაავალოთ თქვენი ცალკეული მოსწავლეებისთვის შესაფერისი რესურსები და სავარჯიშოები.  
ათასობით სავარჯიშო, სტატია და სასწავლო ვიდეო მოიცავს თემებს მეთორმეტეკლასამდელი მათემატიკით დაწყებული, ბიოლოგიით, გრამატიკით, კომპიუტერული მეცნიერებით, ისტორიითა და კიდევ მრავალით დამთავრებული. ამგვარად, ხანის აკადემია ნებისმიერი კლასის მოსწავლეებს გამოადგებათ. მაგრამ როგორ უნდა იპოვოთ საუკეთესო რესურსები ცალკეული მოსწავლეებისთვის?

შეარჩიეთ საგანი თითოეული კლასისთვის

დარწმუნდით, რომ კლასის შექმნისას საგანსაც ირჩევთ. საიტის ზედა მარცხენა კუთხეში დააწკაპუნეთ „საგნებს“ და გაეცანით იმ საგნებს, რომლებსაც ჩვენი რესურსები მოიცავს. თქვენ მიერ საგნის არჩევა გვეხმარება, შემოგთავაზოთ ის რესურსები, რომლებიც ყველაზე მეტად უკავშირდება ამ საგანს.
შენიშვნა: საგნის შერჩევა ხელს არ შეუშლის მოსწავლეებისთვის სხვა მასალის დავალებად მიცემას ან მათ მიერ საიტის სხვა ნაწილების გამოყენებას.
შეგიძლიათ, ნებისმიერი მასალა აირჩიოთ საიტზე — თქვენი კურსის ფარგლებში ან მის გარეთ — და დავალებად მისცეთ იგი ცალკეულ სტუდენტებს ან მთელ კლასს.
აგრეთვე ყოველთვის შეგიძლიათ, შეცვალოთ თქვენი კურსისთვის არჩეული საგანი: გადადით კლასის „პარამეტრების“ ტაბზე და დააჭირეთ „კურსის შეცვლას“.

დავალების მასალების მოძებნა

ვარიანტი 1: დაათვალიერეთ საგნის მასალები

ხშირ შემთხვევაში გენდომებათ იმ მასალის დავალებად მიცემა, რომელსაც მოსწავლეები გადიან თქვენს კლასში.
ვთქვათ, მე ვარ ფიზიკის მასწავლებელი და მოსწავლეებს ნიუტონის მოძრაობის კანონებს ვასწავლი.
პირველ ყოვლისა, გადავალ ფიზიკის მთავარ გვერდზე, ჩამოვალ ქვემოთ, სანამ არ ვიპოვი იმ მასალას, რომელიც ნიუტონის მოძრაობის კანონებს მოიცავს. ეს მასალა მესამეა ხანის აკადემიის ფიზიკის კურიკულუმში.
შემდეგ „ისწავლეთ“ და „ივარჯიშეთ“ განყოფილებების რესურსებში მოვძებნი სათაურებს, რომლებიც ნიუტონის მოძრაობის კანონებს შეესაბამება. შესაძლოა, ვეძებდე ვიდეოებისა და სტატიების ნარევს, რომ დავავალო ისინი მოსწავლეებს, რათა მოძრაობის სამი კანონი უფრო კონცეპტუალურად გაიაზრონ. ნაცვლად იმისა, რომ ავირჩიო ბმული „უფრო მეტი ნიუტონის მოძრაობის მეორე კანონის შესახებ“, მე დავავიწროებ ჩემს დავალებებს იმ ვიდეოებამდე, რომლებსაც, მაგალითად, ასეთი სათაური აქვთ: „ნიუტონის მოძრაობის მეორე კანონი“.
ამგვარად, დავალებად შევარჩევ ამ ექვს რესურსს:
ან შესაძლოა, ჩემმა მოსწავლეებმა უკვე ისწავლეს მოძრაობის კანონები და ისინი მზად არიან, უფრო მეტი სავარჯიშო ამოცანა ამოხსნან, რათა გაიღრმავონ ცოდნა. ამ შემთხვევაში მათ მხოლოდ სავარჯიშო მაგალითებს მივცემ:

ვარიანტი 2: მოძებნეთ თემა ან რესურსი

შესაძლოა, ზოგჯერ გსურდეთ, მოსწავლეებს ვიდეო ან სავარჯიშო დაავალოთ იმ საგნიდან ან კლასის საფეხურიდან, რომელიც განსხვავდება თქვენი ოფიციალური კლასის საგნისგან. ან, უბრალოდ, არ იცოდეთ, ხანის აკადემიის რომელ ნაწილშია განთავსებული ცალკეული რესურსი თუ თემა.
ვთქვათ, თქვენ ხართ მე-7 კლასის მათემატიკის მასწავლებელი, მაგრამ თქვენს კლასს ქვეშმიწერით გაყოფა უჭირს. ამ შემთხვევაში, შეგიძლიათ, გამოიყენოთ საიტის ზედა მარცხენა კუთხეში არსებული საძიებო ველი, რათა შესაბამისი რესურსი იპოვოთ. ჩაწერეთ საძიებო ველში „ქვეშმიწერით გაყოფა“.
შედეგების ამოგდების შემდეგ შეგიძლიათ, დაახარისხოთ ისინი ტიპის მიხედვით. ამისთვის საკმარისია, დააწკაპუნოთ რესურსის ტიპს აქ:
გაეცანით რესურსს. თუკი მოგეწონებათ, შეგიძლიათ, დავალებად მისცეთ იგი მოსწავლეებს.

ვარიანტი 3: მოძებნეთ Common Core-ის სტანდარტების მიხედვით (მხოლოდ მათემატიკის მასწავლებლებისთვის)

შესაძლოა, ისეთ რესურსს ეძებდეთ, რომელიც Common Core-ის ცალკეულ სტანდარტებს შეესაბამება მათემატიკისთვის. ვთქვათ, თქვენ ხართ მე-4 კლასის მასწავლებელი და ასწავლით მნიშვნელების გამოყენებით შერეული რიცხვების მიმატებასა და გამოკლებას NF.B.3c სტანდარტით.
თავდაპირველად გადადით www.khanacademy.org/commoncore-ზე და დააჭირეთ „ჩვენი Common Core-ის დათვალიერებას“.
შემდეგ დააჭირეთ შესაბამისი კლასის საფეხურს. გამოიყენეთ მარცხენა პანელი, რათა სწრაფად გადახვიდეთ შესაბამისი სტანდარტის მწკრივზე. ამ სტანდარტისთვის ასეთი მწკრივია „რიცხვები და მოქმედებები: წილადები“, რაც სტანდარტის სათაურის დასაწყისშია აღნიშნული NF-ით.
ჩამოდით ქვემოთ, სანამ არ იპოვით სასურველ სტანდარტს. თქვენ იხილავთ ხანის აკადემიის ყველა იმ სავარჯიშოს მიმოხილვას, რომლებიც ამ სტანდარტს შეესაბამება. სავარჯიშოებს თუ დააწკაპუნებთ, აგრეთვე ნახავთ მათთან დაკავშირებულ ვიდეოებსა და სტატიებს, რათა დავალებად მისცეთ ისინი თქვენს მოსწავლეებს.
იტვირთება