პარალელური და პერპენდიკულარული წრფეების შესავალი

მოდი დავფიქრდეთ ორ ტერმინზე, რომელიც შეგხვდება ხოლმე გეომეტრიის სწავლისას და ზოგადად, მათემატიკის შეწავლისას ერთი არის ორი რამის პერპენდიკულარულად ყოფნა. როგორც წესი, ლაპარაკობენ პერპენდიკულარულ წრფეებზე. და პარალელური წრფეების იდეა. პერპენდიკულარული წრფეები არის ორი წრფე, რომლებიც იკვეთებიან მართობულად. რას ვგულისხმობ? ვთქვათ, იასამნისფერი იყოს ერთი ხაზი, მწვანე კი მეორე. ამ ორ წრფეს პერპენდიკულარულს ვუწოდებთ, თუ ისინი მართობულად გადაიკვეთებიან. ეს ორი წრფე აშკარად კვეთს ერთმანეთს. იმისთვის, რომ მართობულად იკვეთებოდნენ, კუთხე, შედგენილი ამ ორი წრფით უნდა იყოს 90 გრადუსი. და თუ ამ კუთხეებიდან ერთ-ერთი მაინც 90 გრადუსია, მაშინ ყველა დანარჩენიც 90 გრადუსი იქნება. ანუ თუ ეს კუთხე 90 გრადუსია, მაშინ წრფეები პერპენდიკულარულია. და თუ ეს არის 90 გრადუსი, მაშინ სხვებიც 90 გრადუსი იქნება. ანუ თუ რომელიმე კუთხე არის 90 გრადუსი, ყველა დანარჩენიც 90 გრადუსია, და მივიღებთ პერპენდიკულარულ წრფეებს. თუ გაქვს ორი წრფე, რომლებიც ორგანზომილებიან სიბრტყეზე, როგორიცაა ქაღალდი ან ეკრანი, არ იკვეთებიან, მუდმივად ერთ მანძილზე არიან დაშორებული, მაშინ საუბარი გვაქვს პარალელურ წრფეებზე. ეს პირველი წრფე, ეს მეორე, ისინი ისე დავხაზე, რომ პარალელური ყოფილიყვნენ. ისინი ერთმანეთს არ კვეთენ. ისინი თითქოს და ერთი მიმართულებით მიდიან. მაგრამ ერთმანეთის ოდნავ გადანაცვლებული ვერსიები არიან. ისინი ერთმანეთს არასდროს გადაკვეთენ, ანუ ეს ორი წრფე პარალელურები არიან თუ გვაქვს ორი წრფე, რომლებიც ერთმანეთს კვეთენ, მაგრამ არ იკვეთებიან მართი კუთხით, მაგალითად, ეს ორი ხაზი ნამდვილად არ კვეთენ ერთმანეთს მართობულად, მაშინ ჩვენ მათ არც პერპენდიკულარულს ვუწოდებთ და არც პარალელურს. ისინი უბრალოდ ერთმანეთს კვეთენ.