ტოლი მნიშვნელები: მიმოხილვა

როდესაც წილადებს ერთი და იგივე მნიშვნელი აქვთ, ვმბობთ, რომ მათ აქვთ საერთო მნიშვნელი.

საერთო მნიშვნელის ქონა აადვილებს ისეთ მოქმედებებს, როგორიცაა წილადების შედარება, შეკრება და გამოკლება.

ორი (ან მეტი!) წილადის საერთო მნიშვნელის პოვნის ერთი გზა არის, ჩამოთვალო თითოეული მნიშვნელის ჯერადები, სანამ არ იპოვი უმცირესს, რომელიც მათ სართო აქვთ.

იპოვეთ ${\displaystyle \frac{7}{8}}$‍–ისა და ${\displaystyle \frac{3}{10}}$‍–ის საერთო მნიშვნელი.

მნიშვნელები არის $8$‍ და $10$‍. მოდი, ჩამოვთვალოთ თითოეულის ჯერადები:

$8$‍-ის ჯერადები: $8,16,24,32,40,48,56,64,72,80\text{…}$‍

$10$‍-ის ჯერადები: $10,20,30,40,50,60,70,80,90,100\text{…}$‍

$40$‍ და $80$‍ არის $8$‍–ისა და $10$‍–ის საერთო ჯერადები. ასე რომ, მათგან ერთ–ერთი შეგვიძლია, გამოვიყენოთ საერთო მნიშვნელად. უმეტეს შემთხვევაში გამოვიყენებთ უმცირესს საერთო მნიშვნელს, რომ უფრო მცირე რიცხვებთან ვიმუშაოთ.

მოდით, საერთო მნიშვნელად გამოვიყენოთ $40$‍.

ახლა ${\displaystyle \frac{7}{8}}$‍ და ${\displaystyle \frac{3}{10}}$‍ ჩავწეროთ მნიშვნელით $40$‍.

უნდა გავარკვიოთ, რაზე გავამრავლოთ თითოეული მნიშვნელი, რომ ვიპოვოთ $40$‍:

შემდეგ მრიცხველსაც იმავე რიცხვზე ვამრავლებთ, რაზეც – მნიშვნელს:

ახლა ${\displaystyle \frac{7}{8}}$‍ და ${\displaystyle \frac{3}{10}}$‍ ჩავწერეთ სართო მნიშვნელით:

მინიშნება: ახალი წილადები თავდაპირველი ფორმის ტოლფასია, თუმცა მათთან მუშაობა ხშირად უფრო მარტივია, თუ მნიშვნელები იგივეა.

გინდათ, მეტი ასეთი ამოცანა სცადოთ? ნახეთ ეს სავარჯიშო.