If you're seeing this message, it means we're having trouble loading external resources on our website.

თუ ვებფილტრს იყენებთ, დარწმუნდით, რომ *.kastatic.org და *.kasandbox.org დომენები არ არის დაბლოკილი.

ძირითადი მასალა

კურსი: გეომეტრიის საფუძვლები > თემა 5

გაკვეთილი 2: მართკუთხედების ფართობი

კვადრატული ერთეულების დათვლა ფართობის ფორმულის საპოვნელად

სალი იყენებს კვადრატულ ერთეულებს იმის სანახავად, რომ გვერდების სიგრძეების გამრავლებით აგრეთვე შესაძლებელია მართკუთხედის ფართობის პოვნა.    შემქმნელია სალ ხანი.

გსურთ, შეუერთდეთ დისკუსიას?

პოსტები ჯერ არ არის.
გესმით ინგლისური? დააწკაპუნეთ აქ და გაეცანით განხილვას ხანის აკადემიის ინგლისურენოვან გვერდზე.

ვიდეოს აღწერა

მაქვს სამი მართკუთხედი ასევე მაქვს მათი განზომილებები. ანუ, მაქვს მათი სიგრძე და სიგანე. მარჯვენა ლურჯ მართკუთხედს კი სიგრძე და სიგანე ტოლი აქვს, ანუ, იგი კვადრატი გამოდის. ახლა დავფიქრდეთ, რა ადგილს იკავებს თითოეული მათგანი ჩემს ეკრანზე რადგანაც ყველაფერს მეტრებით ვაკეთებთ, ანუ, ყველა განზომილება მეტრებშია მოცემული, ფართობს გავზომავ კვადრატული მეტრებით. ვნახოთ, რამდენი კვადრატული მეტრი შემიძლია, ჩავატიო ყვითელ მართკუთხედში ისე, რომ მის საზღვრებს არ გავცდე და კვადრატებმა ერთმანეთი არ გადაკვეთონ. ერთი კვადრატული მეტრის ჩატევა შემიძლია. დაიმახსოვრე, კვადრატული მეტრი არის კვადრატი, რომლის სიგრძეც ერთი მეტრია და სიგანეც ერთი მეტრია. ერთი კვადრატული მეტრი უკვე ჩაეტია, ახლა 2, 3, 4, 5 და 6 კვადრატული მეტრი ახლა ვხედავთ, რომ ფართობი არის ექვსი კვადრატული მეტრი. ფართობი ექვსი კვადრატული მეტრის ტოლია. მაგრამ შეიძლება, რაღაც კითხვა გაგიჩნდა. აუცილებელია, დავჯდეთ და დავითვალოთ 1, 2, 3, 4, 5, 6? შესაძლებელია, მიხვდი, რომ შემიძლია, ამას ისე შევხედო, როგორც სამი კვადრატის ორ ჯუფს. მოდი, უკეთესად აგიხსნი. მაგალითად, შემიძლია, ზედა სამი კვადრატი ჩავთვალო ერთ სამკვადრატიან ჯგუფად ხოლო ქვედა სამი კვადრატი მეორე სამკვადრატიან ჯგუფად. როგორ მივიღე სამკვადრატიანი ჯგუფები? ასე იმიტომ გამოვიდა, რომ კვადრატის სიგანე სამი მეტრია. ასე რომ, გვერდიგვერდ შემიძლია, სამი კვადრატული მეტრი ჩავატიო. როგორ მივიღე ორი ჯგუფი? ამ მართკუთხედის სიგრძე 2 მეტრია ასე რომ, ამ ექვსი კვადრატის დათვლის მეორე გზა იყო, რომ მეთქვა შეხედე, მაქვს ორი მეტრის ტოლი სიგრძე ანუ, სამკვადრატიანი ორი ჯგუფი მაქვს ასე რომ, შემეძლო, ორი გამევრალებინა სამზე, ორი ჯგუფი თითო ჯგუფის სამ კვადრატზე და მივიღებდი ექვსს შეიძლება, იფიქრე, დამთხვევაა, რომ თუ სიგრძეს სიგანეზე გავამრავლებთ, ფართობის ტოლ რიცხვს ვიღებთ? დამთხვევა არაა, რადგან როდესაც სიგრძე აიღე შენ ფაქტიურად გაიგე, რამდენი რიგი გქონდა. და როდესაც თქვი სიგანეზე გამრავლება, იგულისხმე, რამდენი ასეთი კვადრატული მეტრი შემიძლია ჩავატიო ერთ რიგში? ეს გზა არის უფრო ადვილი იმის დასათვლელად, თუ რამდენი კვადრატული მეტრია. ანუ, შეგიძლია, თქვა, რომ ორი მეტრი გამრავლებული სამ მეტრზე არის ექვსი კვადრატული მეტრი. შეიძლება, დაეჭვდე, ყოველთვის მუშაობს თუ არა ეს ხერხი? მოდი, ვნახოთ, იმუშავებს თუ არა ამ სხვა მართკუთხედებზე, მწვანე და ლურჯზე. მოვიქცეთ იმის მიხედვით, რაც ადრე გავაკეთეთ. ავიღოთ სიგრძე, 4 მეტრი და გავამრავლოთ სიგანეზე, გავამრავლოთ ორ მეტრზე. ოთხჯერ ორი არის რვა. ასე რომ, ასე მივიღებთ რვა კვადრატულ მეტრს. მოდი, ვნახოთ, მუშაობს თუ არა. 1, 2, 3, 4, 5, მგონი, სწორი გამოვა, 6, 7 და 8. ამ მართკუთხედის ფართობი მართლაც რვა კვადრატული მეტრია. შეგვიძლია, შევხედოთ, როგორც ორი კვადრატის ოთხ ჯგუფს. პირდაპირი მნიშვნელობით შეგიძლია, ჩათვალო ასე. სწორედ აქედან მოდის ოთხის ორზე გამრავლება. ანუ, შეგიძლია, შეხედო, როგორც ორიანების ოთხ ჯგუფს, ან ოთხიანების ორ ჯგუფს. აქეთ არის ოთხიანების ერთი ჯგუფი. ანუ, შეგიძლია, ჩათვალო, როგორც ორჯერ ოთხი, ოთხიანების ორი ჯგუფი. ახლა უკვე შეგიძლია, მიხვდე, რა არის ამ მართკუთხედის ფართობი ეს რეალურად კვადრატია, რადგან მას აქვს ტოლი სიგრძე და სიგანე ვამრავლებთ სიგრძეს, სამ მეტრს, სიგანეზე, ანუ, სამ მეტრზე მივიღებთ სამჯერ სამს, ანუ, ცხრა მეტრს. ფართობი არის ცხრა კვადრატული მეტრი. მოდი, კიდევ ერთხელ დავაზუსტოთ, რომ კარგად გვესმოდეს როგორ ხდება მართკუთხედების განზომილებების გამრავლება. გვაქვს 1, 2, 3, 4, 5, 6, 7, 8 და 9 კვადრატი. ანუ, ემთხვევა. ჩვენ გავიგეთ, რამდენი კვადრატული მეტრით შეგვიძლია ამ ფიგურის დაფარვა, ისე, რომ ერთმანეთი არ გადაკვეთონ და საზღვრებს არ გაცდნენ. მივიღეთ იგივე რიცხვი, რასაც მივიღებდით სამის სამზე გამრავლებით, ანუ თუ სიგრძესა და სიგანეს გადავამრავლებდით.