If you're seeing this message, it means we're having trouble loading external resources on our website.

თუ ვებფილტრს იყენებთ, დარწმუნდით, რომ *.kastatic.org და *.kasandbox.org დომენები არ არის დაბლოკილი.

ძირითადი მასალა

მთელი რიცხვებისა და წილადების გაყოფა: მაისურები

მთელი რიცხვების გაყოფა წილადზე? შეცვალეთ პოზიცია და გაამრავლეთ წილადის შებრუნებულზე! ბუმ! შემქმნელია სალ ხანი და ტექნოლოგიისა და განათლების მონტერეის ინსტიტუტი.

გსურთ, შეუერთდეთ დისკუსიას?

პოსტები ჯერ არ არის.
გესმით ინგლისური? დააწკაპუნეთ აქ და გაეცანით განხილვას ხანის აკადემიის ინგლისურენოვან გვერდზე.

ვიდეოს აღწერა

ბავშვის მაისურს სჭირდება 4/5 მეტრი ქსოვილი რამდენი მაისური შეიკერება 48 მეტრის სიგრძის ქსოვილით? გამოდის, უნდა გავიგოთ 48 მთელი მეტრიდან რამდენი 4/5 მეტრი გამოვა. 48 მეტრი 4/5 მეტრიან ჯგუფებად უნდა გავყოთ და ვნახოთ, რამდენი ჯგუფი გამოვა. (თითო ჯგუფში ერთი ბავშვის მაისურის სამყოფი მასალა იქნება) თუ 4/5 მეტრი ქსოვილი ჰყოფნის ერთ მაისურს, მაშინ მიღებული ჯგუფების და მაისურების რაოდენობა ტოლი იქნება. ვიცით, რომ წილადზე გაყოფა იგივე მის შებრუნებულზე გამრავლებაა. 4/5-ის შებრუნებული არის 5/4. თუ მთელი რიცხვის წილადზე გაყოფა გაბნევთ, გაიხსენეთ, რომ ნებისმიერ მთელი რიცხვი შეიძლება წილადის სახით ჩაიწეროს 48/1 გამრავლებული 5/4-ზე. დავიწყოთ გამრავლება. რამდენია 48-ჯერ 5 გაყოფილი 4-ზე? დიდი რიცხვი გამოვა და მისი გაყოფა გაგვიჭირდება, ამიტომ, სჯობს, ახლავე შევკვეცოთ. შეგვიძლია მრიცხველი და მნიშვნელი ოთხზე შევკვეცოთ. ან შეგვიძლია 48-ჯერ ხუთი გავყოთ ოთხზე. მაგრამ პირველი ვარიანტი უფრო მარტივი ჩანს. 48 გავყოთ ოთხზე, მივიღებთ 12-ს. და იგივე უნდა გავაკეთოთ მნიშვნელშიც. ოთხი გაყოფილი ოთხზე არის ერთი. დარჩება 12-ჯერ ხუთი, რაც 60-ის ტოლია. 12-ჯერ 5 გაყოფილი 1-ზე არის 60/1, ანუ 60. ესე იგი, 48 მეტრიდან 60 ბავშვის მაისური გამოვა, თუ თითოზე 4/5 მეტრს გამოვიყენებთ.