ვექტორების ცნობა. სავარჯიშო

სცადეთ, უპასუხოთ ორ შეკითხვას, რომლითაც დარწმუნდებით, რომ გესმით, რომ ვექტორებს აბსოულუტური მნიშვნლობაც აქვთ და მიმართულებაც.

ამოცანა 1

ჩამოთვლილთაგან რომელი შეიძლება, გამოსახავდეს ვექტორს?

(Choice A)
მონაკვეთი, რომელიც $(0, 0)$ ‍ წერტილზე იწყება და $(2, 7)$ ‍ წერტილზე სრულდება
(Choice B)
$(2, 7)$ ‍ და $(0, 0)$ ‍ წერტილებს შორის მანძილი
(Choice C)
მონაკვეთი, რომელიც $(2, 7)$ ‍ წერტილზე იწყება და $(0, 0)$ ‍ წერტილზე სრულდება
(Choice D)
$(0, 0)$ ‍ და $(2, 7)$ ‍ წერტილებს შორის მანძილი

ვექტორი არის რაოდენობა, რომელსაც აბსოლუტური სიდიდეც აქვს და მიმართულებაც.

ნებისმიერ ორ წერტილს შორის მანძილი არის აბსოლუტური სიდიდე მიმართულების გარეშე, ასე რომ, იგი ვერ გამოსახავს ვექტორს.

მონაკვეთი, რომელიც კონკრეტულ წერტილში იწყება და სხვა წერტილში სრულდება შეიძლება, გამოსახავდეს ვექტორს. ვექტორის აბსოლუტური სიდიდე არის წერტილებს შორის მანძილი და მიმართულება – საწყისი წერტილიდან საბოლოო წერტილამდე მიმართულება.

ვექტორს შეიძლება, შემდეგი წარმოადგენდეს:

მონაკვეთი, რომელიც $(0, 0)$ ‍ წერტილზე იწყება და $(2, 7)$ ‍ წერტილზე სრულდება
მონაკვეთი, რომელიც $(2, 7)$ ‍ წერტილზე იწყება და $(0, 0)$ ‍ წერტილზე სრულდება

ამოცანა 2

ჩამოთვლილთაგან, რომელი შეიძლება, გამოისახოს ვექტორით?

(Choice A)
თვითმფრინავის მოძრაობა
(Choice B)
რესტორანში მაგიდასა და სამზარაულოს შორის მანძილი
(Choice C)
რესტორანში შეკვეთა, როცა ოთხმა ადამიანმა ორ–ორი რამ შეუკვეთა
(Choice D)
ბილიარდის დაფაზე თეთრ და შავ ბურთებს შორის მანძილი

სიდიდე ვექტორით შეიძლება გამოისახოს, თუ მას აბსოლუტური სიდიდეც აქვს და მიმართულებაც.

თვითმფრინავის მოძრაობა შეიძლება, გამოისახოს ვექტორით. ვექტორის აბსოლუტური სიდიდე არის თვითმფრინავის სიჩქარე, ხოლო მისი მიმართულება – თვითმფრინავის მიმართულება.

ბილიარდის დაფაზე თეთრ და შავ ბურთებს შორის მანძილი არის აბსოლუტური სიდიდე მიმართულების გარეშე, ასე რომ, იგი ვერ გამოისახება ვექტორით.

იმავე მიზეზით, რაც ზემოთ იყო ნახსენები, რესტორანში მაგიდასა და სამზარეულოს შორის მანძილი არის აბსოლუტური სიდიდე მიმართულების გარეშე, ასე რომ, იგი ვერ გამოისახება ვექტორით.

რესტორანში შეკვეთას, როცა ოთხმა ადამიანმა ორ–ორი რამ შეუკვეთა, არ აქვს ნათელი აბსოლუტური სიდიდე და ნამდვილად არ აქვს მიმართულება. ასე რომ, იგი ვერ გამოისახება ვექტორით.

მხოლოდ თვითმფრინავის მოძრაობა შეიძლება, გამოისახოს ვექტორით.

გსურთ, შეუერთდეთ დისკუსიას?

შესვლა

დავალაგოთ:

პოსტები ჯერ არ არის.

გესმით ინგლისური? დააწკაპუნეთ აქ და გაეცანით განხილვას ხანის აკადემიის ინგლისურენოვან გვერდზე.