If you're seeing this message, it means we're having trouble loading external resources on our website.

თუ ვებფილტრს იყენებთ, დარწმუნდით, რომ *.kastatic.org და *.kasandbox.org დომენები არ არის დაბლოკილი.

ძირითადი მასალა

გამრავლების თვისებები

გამოიკვლიეთ გამრავლების ჯუფდებადობის, გადანაცვლებადობისა და იგივეობის თვისებები.
ამ სტატიაში ვისწავლით გამრავლების სამ ძირითად თვისებას. ეს არის ამ თვისებების მოკლე შინაარსი:
გამრავლების გადანაცვლებადობის კანონი: მამრავლების თანმიმდევრობის შეცვლა არ ცვლის ნამრავლს. მაგალითად, 4×3=3×4.
გამრავლების ჯუფდებადობის კანონი: მამრავლების დაჯგუფების პრინციპის შეცვლა არ ცვლის ნამრავლს. მაგალითად, (2×3)×4=2×(3×4).
გამრავლების იგივეობის კანონი: 1-ისა და ნებისმიერი რიცხვის ნამრავლი არის ეს რიცხვი. მაგალითად, 7×1=7.

გამრავლების გადანაცვლებადობის კანონი

გამრავლების გადანაცვლებადობის კანონი ამბობს, რომ მამრავლების თანმიმდევრობის შეცვლა არ შეცვლის ნამრავლს. აი, მაგალითი:
4×3=3×4
ყურადღება მიაქციეთ, რომ ორივე ნამრავლი არის 12, მიუხედავად იმისა, რომ თანმიმდევრობა შებრუნებულია.
აქ არის კიდევ ერთი მაგალითი მეტი მამრავლით:
1×2×3×4=4×3×2×1
ყურადღება მიაქციეთ, რომ ორივე ნამრავლი 24–ია.
ჩამოთვლილთაგან რომელია გამრავლების გადანაცვლებადობის კანონის მაგალითი?
აირჩიეთ 1 პასუხი:

გამრავლების ჯუფდებადობის კანონი

გამრავლების ჯუფდებადობის კანონი ამბობს, რომ მამრავლების დაჯგუფების შეცვლა არ შეცვლის ნამრავლს. აი, მაგალითი:
(2×3)×4=2×(3×4)
გაიხსენეთ: მრგვალი ფრჩხილები მიგვითითებს, რომ პირველად ეს მოქმედება უნდა შესრულდეს. ანუ, ასე გამოვსახავთ მარცხენა მხარეს:
=(2×3)×4
=6×4
=24
და ასე გამოვთვლით მარჯვენა მხარეს:
=2×(3×4)
=2×12
=24
ყურადღება მიაქციეთ, რომ ორივე მხარის ნამრავლი არის 24, მიუხედავად იმისა, რომ მარცხენა მხარეს ჯერ 2 და 3 გავამრავლეთ და მარჯვენა მხარეს კი – 3 და 4.
ჩამოთვლილთაგან რომელია გამრავლების ჯუფდებადობის კანონის მაგალითი?
აირჩიეთ 1 პასუხი:

გამრავლების იგივეობის თვისება

გამრავლების იგივეობის კანონი ამბობს, რომ 1-ისა და ნებისმიერი რიცხვის ნამრავლი არის ეს რიცხვი. აი, მაგალითი:
7×1=7
გამრავლების გადანაცვლებადობის კანონი ამბობს, რომ მნიშვნელობა არ აქვს, 1 მოდის რიცხვის წინ თუ შემდეგ. აი, გამრავლების იგივეობის მაგალითი, სადაც 1 არის რიცხვის წინ:
1×6=6
ამათგან რომელია გამრავლების იგივეობის კანონის მაგალითი?
აირჩიეთ 1 პასუხი:

გსურთ, შეუერთდეთ დისკუსიას?

პოსტები ჯერ არ არის.
გესმით ინგლისური? დააწკაპუნეთ აქ და გაეცანით განხილვას ხანის აკადემიის ინგლისურენოვან გვერდზე.