If you're seeing this message, it means we're having trouble loading external resources on our website.

თუ ვებფილტრს იყენებთ, დარწმუნდით, რომ *.kastatic.org და *.kasandbox.org დომენები არ არის დაბლოკილი.

ძირითადი მასალა

მარტივი და შედგენილი რიცხვები (შესავალი)

ისწავლეთ, რა არის მარტივი და შედგენილი რიცხვები და ივარჯიშეთ მათ ამოცნობაში.

მოდით, მიმოვიხილოთ გამყოფები

გამყოფია ისეთი რიცხვი, რომელზეც მეორე რიცხვი უნაშთოდ იყოფა.
1,3,5, და 15 არის 15-ის გამყოფები, რადგან ყველა უნაშთოდ იყოფა 15-ზე.
15÷1=15
15÷3=5
15÷5=3
15÷15=1
15-ს აქვს ოთხი გამყოფი: 1,3,5 და 15.
ამოცანა 1A
მოცემული რიცხვებიდან, რომელია 17-ის გამყოფები?
მონიშნეთ ყველა შესაბამისი პასუხი:

ნებისმიერი რიცხვის გამყოფია 1 და თავისივე თავი.
3÷1=3
3÷3=1

რიცხვების კატეგორიები

თითქმის ყველა რიცხვის დაყოფა შეგვიძლია ორ კატეგორიად: მარტივ რიცხვებად და შედგენილ რიცხვებად.

მარტივი რიცხვები

მარტივი რიცხვი არის ისეთი რიცხვი, რომელსაც ზუსტად 2 გამყოფი აქვს.
მარტივი რიცხვის გამყოფებია მხოლოდ 1 დათავისივე თავი.
7 არის მარტივი რიცხვის მაგალითი. მისი გამყოფებია მხოლოდ 1 და 7. სხვა მთელ რიცხვებზე 7 უნაშთოდ ვერ იყოფა.
გამოვიყენოთ სურათები მარტივი რიცხვების ვიზუალურად გამოსახვისთვის.
ფერმერმა მაქსველმა გადაწყვიტა, რომ თავისი საუკეთესო ქათმებისთვის საქათმე ააშენოს. მას 7 ქათამი ყავს და მათი განლაგების შესაძლო გზებზე ფიქრობს. მას სურს, რომ ქათმები თანაბარი რაოდენობის ჯგუფებში გადაანაწილოს.
ერთადერთი ვარიანტია, შევადგინოთ 1 მწკრივი 7 ქათმით.
ნებისმიერი სხვა განლაგების შემთხვევაში, ყველა მწკრივში თანაბარი რაოდენობის ქათამი ვერ იქნება.
თუ რიცხვის ტოლ ჯგუფებად დაყოფის მხოლოდ ერთი გზა არსებობს, ეს რიცხვი არის მარტივი.
ამოცანა 2A
13 მარტივი რიცხვია?
აირჩიეთ 1 პასუხი:

შედგენილი რიცხვები

შედგენილ რიცხვებს 2-ზე მეტი გამყოფი აქვთ.
16 არის შედგენილი რიცხვის მაგალითი. 16-ის გამყოფებია 1,2,4,8 და 16. თითოეულ მათგანზე 16 ზუსტად იყოფა.
გამოვიყენოთ სურათები შედგენილი რიცხვების ვიზუალურად გამოსახვისთვის.
ფერმერი მაქსველი თავისი ქათმების მიერ დადებული კვერცხების შესანახად ახალ კონტეინერსაც ქმნის. მას სურს, რომ თითოეულ კონტეინერში 16 კვერცხი ჩაეტიოს.
მას შეიძლება, ჰქონდეს 1 მწკრივი, 16 კვერცხით.
მას შეიძლება, ჰქონდეს 2 მწკრივი, თითოეულში 8 კვერცხით.
ან მას შეიძლება, ჰქონდეს 4 მწკრივი, თითოეულში 4 კვერცხით.
ერთზე მეტი გზით შეიძლება შედგენილი რიცხვების ტოლ ჯგუფებად დაყოფა.
ამოცანა 3A
15 შედგენილი რიცხვია?
აირჩიეთ 1 პასუხი:

ციფრი 1

1 არ ჯდება არცერთ კატეგორიაში. ის არც მარტივი რიცხვია და არც შედგენილი.

ივარჯიშეთ მარტივ და შედგენილ რიცხვებზე

ამოცანა 4A
რიცხვები 11,17 და 23
რიცხვებია.

მარტივი და შედგენილი რიცხვების გამოწვევა

ამოცანების ამოსახსნელად გამოიყენეთ მოცემული მინიშნებები.
ამოცანა 5A
იპოვეთ მარტივი რიცხვი, რომელსაც ერთეულების ადგილზე 5 აქვს.
აირჩიეთ 1 პასუხი:

გსურთ, შეუერთდეთ დისკუსიას?

გესმით ინგლისური? დააწკაპუნეთ აქ და გაეცანით განხილვას ხანის აკადემიის ინგლისურენოვან გვერდზე.