კოდის საათის გამოყენება საკლასო ოთახში

რას ნიშნავს კოდის ერთი საათი ხანის აკადემიაში?

• კოდით ხატვის 1 საათი: ეს 1 საათი თქვენს მოსწავლეებს ასწავლის JavaScript-ით დაპროგრამებას, პროგრამირების ერთ-ერთი ყველაზე პოპულარული ენა მსოფლიოში. ისინი გამოიყენებენ JavaScript-ს ნახატების დასაპროგრამებლად და დაასრულებენ სახალისო თოვლის კაცის პროექტით. საჭიროებს კლავიატურით ბეჭდვის უნარს და კლავიატურას. რეკომენდებული ასაკი: 8+.

• ვებგვერდების 1 საათი: ეს 1 საათი ასწავლის თქვენს მოსწავლეებს საკუთარი ვებგვერდების შექმნას HTML-ისა და CSS-ის საფუძვლების გამოყენებით, ის დასრულდება სადღესასწაულო მისალოცი ბარათით. საჭიროებს კლავიატურით ბეჭდვის უნარს და კლავიატურას. რეკომენდებული ასაკი: 8+.

• მონაცემთა ბაზების 1 საათი: ეს 1 საათი ასწავლის მონაცემთა ბაზების საფუძვლებს, ანუ, როგორ ინახავენ აპლიკაციები მონაცემებს მომხმარებლებისა და შიგთავსის შესახებ. თქვენი სტუდენტები გამოიყენებენ SQL-ს მონაცემების მქონე ცხრილების შესაქმნელად და დაწერენ მოთხოვნებს, მუშაობას დაასრულებენ პროექტით, რომელშიც შექმნიან მონაცემთა ბაზას წარმოსახვითი მაღაზიისთვის. საჭიროებს კლავიატურით ბეჭდვის უნარს და კლავიატურას. რეკომენდებული ასაკი: 12+.

• ინსტრუქციული ვიდეოები და „აუდიოგაკვეთილები". აუდიგაკვეთილები ვიდეოებივითაა, მაგრამ შეგიძლიათ, დააპაუზოთ და კოდში ცვლილებები შეიტანოთ რეალურ დროში.
• კოდის დავალებები, რომლებიც სტუდენტს საშუალებას აძლევს, მიიღოს პრაქტიკა და ჩვენ გვაძლევს საშუალებას, ავტომატურად შევამოწმოთ ნამუშევარი და მივანიჭოთ ქულები.
• ფინალური პროექტი, მისი საშუალებით მოსწავლეებს შეუძლიათ, უფრო კრეატიული და თავისუფალი გზით გამოიყენონ მიღებული ცოდნა.

როგორ გამოვიყენო ხანის აკადემიის კოდის ერთი საათი ჩემს საკლასო ოთახში?

კოდის ერთ საათამდე

• ყველა მოსწავლეს, ან მოსწავლეების ყოველ წყვილს, უნდა ჰქონდეს კომპიუტერი. თუ მოსწავლეები დაწყვილდებიან (“წყვილში პროგრამირება”), მაშინ ისინი მორიგეობით უნდა იყვნენ მბეჭდავი და მაყურებელი.
• საკლასო ოთახში უნდა იყოს წვდომა კარგ ინტერნეტზე, რადგან ეს დაგჭირდებათ ხანის აკადემიის შიგთავსზე წვდომისათვის, განსაკუთრებით ვიდეოებისა და აუდიოგაკვეთილებისათვის. მეტი ინფორმაციისთვის იხილეთ ეს გზამკვლევი.
• დარწმუნდით, რომ ყველა კომპიუტერში არის დაინსტალირებული თავსებადი ბრაუზერი. უმჯობესია Google Chrome, მაგრამ Safari 5-მა, Internet Explorer-მა 11, Microsoft Edge-მა და Mozilla Firefox-მაც უნდა იმუშავოს. IE8 არ იმუშავებს. ChromeBooks-მა უნდა იმუშავონ, რადგან ისინი იყენებენ Google Chrome-ს.
• დაარიგეთ ყურსასმენები, ან სთხოვეთ მოსწავლეებს მათი მოტანა. შეგიძლიათ, იყიდოთ ერთჯერადი ყურსასმენების კომპლექტი Amazon-ზე.
• დარეგისტრირდით Code.org-ზე, რათა გქონდეთ უფასო საჩუქრებისა და პრიზების მიღების უფლება თქვენი კლასისთვის.
• (არჩევითი) თუ გეგმავთ კოდით ხატვის 1 საათის შესრულებას, ამობეჭდეთ უჯრედებიანი ფურცლის ბროშურები, თითოეულის ერთი ეგზემპლარი თითო მოსწავლისთვის.

• გადახედეთ სახელმძღვანელოს თქვენით, რათა იცოდეთ, რისი შესრულება მოუწევთ თქვენს მოსწავლეებს.
• (არჩევითი) დარეგისტრირდით მწვრთნელად ხანის აკადემიაზე და დაამატეთ თქვენი მოსწავლეები. ეს გაგიადვილებთ მათი პროგრესისთვის თვალ-ყურის დევნებას. იხილეთ ინსტრუქციების ეს გზამკვლევი. დარეგისტრირებისთანავე შეგიძლიათ, იხილოთ მოსწავლის პროგრესის ჩანართი და ჩამოსაშლელ სიაში (dropdown-ში) მონიშნოთ „კოდის 1 საათი", რათა შეძლოთ თქვენი მოსწავლის პროგრესისათვის თვალ-ყურის დევნება

  პროგრესისთვის თვალ-ყურის დევნის ეკრანის ანაბეჭდი (სკრინი)

კოდის ერთი საათის დროს

• დაარიგეთ ყურსასმენები ან ბროშურები, თუ ისინი გაქვთ.
• თუ გსურთ, რომ მოსწავლეებმა თავად აირჩიონ სახელმძღვანელო, გადაამისამართეთ ისინი
  კოდის 1 საათის მთავარ გვერდზე:
  https://www.khanacademy.org/hourofcode
• თუ თქვენ აირჩიეთ სახელმძღვანელო თქვენი მოსწავლეებისთვის, გადაამისამართეთ ისინი ამ კონკრეტულ სახელმძღვანელოზე:
  კოდით ხატვის 1 საათი:
  www.khanacademy.org/r/hour-of-code
  ვებგვერდების 1 საათი:
  www.khanacademy.org/r/hour-of-webpages
  მონაცემთა ბაზების 1 საათი:
  www.khanacademy.org/r/hour-of-databases
• უყურეთ მისასალმებელ ვიდეოს ერთად და შემდეგ ურჩიეთ მოსწავლეებს, შეასრულონ გაკვეთილის დარჩენილი ნაწილი საკუთარი ტემპით.
• თუ დრო დაგრჩათ, გამართეთ ჩვენება და მოყოლა, რომელშიც წარადგენთ მოსწავლეების მიერ შექმნილ ყველა საინტერესო პროექტს.

კოდის ერთი საათის შემდეგ

• თუ ტრენერად დარეგისტრირდით, გადახედეთ პროგრამებს, რომლებიც თქვენმა მოსწავლეებმა შექმნეს ფინალური პროექტისთვის თქვენი კლასის პროგრამების გვერდზე. დაუწერეთ კარგი შეფასება, დატოვეთ წამახალისებელი კომენტარები და ურჩიეთ მოსწავლეებს, რომ ისინი გააზიარონ (მარჯვენა ზედა კუთხეში „გაზიარების" ღილაკზე დაჭერით).
• დაბეჭდეთ სერთიფიკატი თითოეული მოსწავლისთვის, რომელიც შეასრულებს პროგრამას. როგორც კი თქვენი მოსწავლე დაასრულებს ამოცანებს, თქვენ მიიღებთ შეტყობინებას და ამ მოსწავლის სერთიფიკატის ბმულს.
• წაახალისეთ თქვენი მოსწავლეები, რომ მათ გააგრძელონ პროგრამირების სწავლა ხანის აკადემიაზე ჩვენი სრული კურიკულუმის გამოყენებით. ხანის აკადემიაზე ყველაფერი უფასოა, ასე რომ, თქვენ და თქვენს მოსწავლეებს მხოლოდ დარეგისტრირება გჭირდებათ!
• გაგვიზიარეთ თქვენი ამბები! ჩვენ გვსურს, ვნახოთ თქვენი მოსწავლეების ჩვენს გაკვეთილებზე მუშაობის პროცესის ფოტოები და ვიდეოები ან მათ მიერ შექმნილი პროექტების ეკრანის ანაბეჭდები (სკრინები). გააზიარეთ ისინი ტვიტერზე ან ინსტაგრამზე და მონიშნეთ @khanacademy #hourofcode.

ხშირად დასმული კითხვები