კეისრის კოდი

კეისრის შიფრი არის ბიჯით დაშიფვრის სახეობა. ბიჯით დაშიფვრები მუშაობენ ნაშთის ოპერატორის გამოყენებით წერილების დასაშიფრად და გასაშიფრად. ამ ბიჯით შიფრს აქვს გასაღები K, რაც არის მთელი რიცხვი 0-დან 25-მდე. ამ გასაღებს გავუზიარებთ მხოლოდ იმ ხალხს, ვინც გვინდა, რომ ჩვენი წერილი ნახოს.

წერილ M-ში თითოეული ასოსთვის:

1. გადაიყვანეთ ასო რიცხვში, რომელიც მის რიგითობას ემთხვევა ინგლისურ ანბანში დაწყებული 0-იდან და დაარქვით ამ რიცხვს X.
( A=0, B=1, C=2, ...,Y=24, Z=25)

2. გამოთვალეთ: Y = (X + K) mod 26

3. გადაიყვანეთ რიცხვი Y ასოში, რომელიც ემთხვევა მის რიგითობას ინგლისურ ანბანში დაწყებული 0-იდან.

(A=0, B=1, C=2, ...,Y=24, Z=25)

მაგალითად: მეგობარს ვუთანხმდებით, რომ გამოვიყენებთ ბიჯით შიფრს გასაღებით K=19 ჩვენი წერილისთვის.
ვშიფრავთ წერილს "KHAN", შემდეგნაირად:​

ასე რომ, ჩვენს წერილზე „KHAN“ K=19 გასაღებით ბიჯით დაშიფვრის გამოყენების შემდეგ მივიღეთ დაშიფრული ტექსტი "DATG".

წერილ „DATG-ს“ ვაძლევთ ჩვენს მეგობარს.

დაშიფრული ტექსტი C-ს ყოველი ასოსთვის :

1. გადაიყვანეთ ასო რიცხვში, რომელიც ემთხვევა მის რიგითობას ინგლისურ ანბანში დაწყებული 0-იდან და დაარქვით ამ რიცხვს Y.
(A=0, B=1, C=2, ..., Y=24, Z=25)

2. გამოთვალეთ: X= (Y - K) mod 26

3. გადაიყვანეთ რიცხვი X იმ ასოში, რომელიც ემთხვევა მის რიგითობას ანბანში დაწყებული 0-იდან.
(A=0, B=1, C=2, ..., Y=24, Z=25)

ჩვენი მეგობარი ახლა გაშიფრავს წერილს ჩვენ მიერ შეთანხმებული გასაღებით K=19. შემდეგნაირად:

ასე რომ, ბიჯით შიფრის K=19 გასაღებით გაშიფვრით ჩვენი მეგობარი დაშიფრულ ტექსტს "DATG"-ს გადაიყვანს ტექსტში "KHAN".

შიფრმა არ უნდა მისცეს საშუალება გასაღების უქონელ შემომტევს, რომელსაც აქვს დაშიფრული ტექსტის ასლი, გაარკვიოს წერილის შინაარსი. ვინაიდან ჩვენ გვაქვს გასაღების მხოლოდ 26 არჩევანი, ვინმე შეიძლება, ადვილად სცადოს 26-ივე გასაღები, სათითაოდ, მანამ, სანამ წერილს გაშიფრავენ. ამ სახის შეტევას ეწოდება ბრუტალური ძალით შეტევა.