მეტი რჩევა გამართვაზე

არსებობს თქვენი პროგრამების გამართვის („დებაგის") მრავალი გზა! აი, სია, რომელიც დაგეხმარებათ დაწყებაში:

როგორც უკვე გაჩვენეთ, თქვენ შეგიძლიათ, ჩასვათ თქვენს კოდში print()-ები ან println()-ები, რომლებიც დაგეხმარებათ, გაიგოთ, თუ რომელი კოდები არის გამოძახებული და რა მნიშვნელობებს მოიცავს იგი. ორივე ამ ბრძანებას გამოჰყავს მნიშვნელობები კონსოლში, რომელიც ამოხტება სახატავ სივრცეზე. თქვენ, ასევე, შეგიძლიათ, გამოიყენოთ debug(), რათა გაუგზავნოთ გამომავალი მნიშვნელობები თქვენი ბრაუზერის JavaScript-ის კონსოლს (თუ იცით მისი გამოყენება.).

დასვით რეზინის იხვი თქვენი კომპიუტერის გვერდით (ან ნებისმიერი ხელმისაწვდომი იხვისმაგვარი ნივთი, რომელთანაც ხელი მიგიწვდებათ) და ხაზ-ხაზად აუხსენით მას თქვენი პროგრამის მოქმედების პრინციპი და მასში არსებული პრობლემა. მრავალი პროგრამისტი ხვდება, რომ პრობლემის სიტყვიერად გადმოცემა ეხმარება მათ ტვინს პრობლემის გააზრებასა და პოვნაში. თქვენ ასევე შეგიძლიათ, სთხოვოთ თქვენს მეგობარს ან მასწავლებელს, შეასრულონ რეზინის იხვის როლი, უბრალოდ დასხდნენ და მოგისმინონ. ზოგჯერ, შესაძლოა, პრობლემის გადაჭრის გზაც კი მოიფიქრონ და გითხრან, თუმცა, მხოლოდ მოსმენითაც გეხმარებიან.

ხანის აკადემიის ოფისში არსებული ნივთებიდან, ეს არსება ყველაზე მეტად ჰგავს რეზინის იხვს:

იქიდან გამომდინარე, რომ თქვენ ქმნით პროგრამებს ProcessingJS-ში, საქმე გაქვთ მრავალ ფერთან და ზღვრულ ჩარჩოსთან. როდესაც შედეგად ვერ ვხედავ მოსალოდნელ ვიზუალს, ზოგჯერ გამოსადეგია ძალიან დიდი მნიშვნელობების მინიჭება ფერის შევსების ან ჩარჩოს სისქის განსასაზღვრად, მაგალითად - strokeWeight(30). იქიდან გამომდინარე, რომ ჩვენი გარემო რეალურ დროში მოქმედებს და მოიცავს რიცხვების საშლელებს, საკმაოდ მარტივია თქვენს პროგრამაში რიცხვების შეცვლა იმისათვის, რომ გაიგოთ, თუ რა ზემოქმედება ექნება ამას გამომავალ მნიშვნელობაზე. მაგალითად, ეს შეიძლება გამოგადგეთ, როცა ვერ იგებთ, თუ სად გაქრა ფიგურა.

კარგი იდეაა, რომ მიეჩვიოთ ყველა პროგრამის გამართვის მეთოდს, რათა მომავალში მარტივად მიხვდეთ, თუ რომელი მეთოდია საუკეთესო კონკრეტული სიტუაციისათვის.