ბრენდა ჯინი, მობილურის პროტოტიპების შემქმნელი და დიჯეი

გამარჯობა, მე ბრენდა ჯინი ვარ!

მე ვწერ ინტერაქტიულ A/B ვებპროტოტიპებს ტაბლეტისთვის Macys.co-ზე JavaScript-ით, HTML-ითა და CSS-ით. ჩვენ ვუკეთებთ დიზაინს, ვქმნით და ვტესტავთ ამ პროტოტიპებს რეალური მომხმარებლების წინ. ამ ტესტების შედეგებს პროტოტიპების გასაუმჯობესებლად ვიყენებთ ე.წ. „განმეორებით“ პროცესში. საბოლოოდ, ამ ტესტებიდან მიღებული საუკეთესო ფუნქციები შემოტანილი იქნება Macys.com-ზე.

ვერ განახებთ, თუ რაზე ვმუშაობ ახლა, მაგრამ შეგიძლიათ, ნახოთ the CyberSwipe JS ბიბლიოთეკა, რომელიც შარშან შევქმენი:

ეს ყოველივე დაიწყო AOL Instant Messenger-ით 90-იანებში. მაშინ შეგეძლოთ HTML-ის გამოყენება თქვენი პროფილის მოსართავად. მე და ჩემი მეგობრები ვერთობოდით ფერებისა და ფონტის სტილების შეცვლით მარტივ რედაქტორში.

კოლეჯში ჩემი სპეციალობა იყო მუსიკის სამეცნიერო შესწავლა და გავიარე კომპიუტერული მეცნიერებების კურსი, რომელიც მოგვიანებით ჩემი წარმატების საწინდარი გახდებოდა. მას ერქვა PLOrk: Princeton Laptop Orchestra. ვიყენებდით ენას სახელად ChucK, რათა დაგვეპროგრამებინა მუსიკა და ყოველკვირეულად დაგვეწერა კომპოზიციები კომპიუტერული მეცნიერებების საფუძვლების გამოყენებით!

კოლეჯის მერე კარიერა ოპერაში გავაგრძელე, შემდეგ კი არაკომერციულ ფონდში. ყველა ტიპის ვებსაქმიანობას ვაკეთებდი და ეს კარგადაც გამომდიოდა. ასე რომ, შარშან გადავწყვიტე, მესწავლა JavaScript და გავმხდარიყავი ვებდეველოპერი. ამას ბევრი შრომა დასჭირდა, მაგრამ საბოლოოდ მივიღე დიდებული სამსახური Macys.com-ზე.

მე ვიპოვე ჩემი მოწოდება და ძალიან ბედნიერი ვარ, რომ ვარ პროგრამისტი. ეს ბევრ შრომას მოითხოვს, მაგრამ ძალიან სახალისოცაა!

მე ვქმნი ელექტრონულ მუსიკას და მიყვარს ლაშქრობა და ველოსიპედით სიარული! აგრეთვე, ვჰაკერობ გასართობად - ჩემი გვერდითი პროექტები მოიცავს მიკროკონტროლერებს, როგორიცაა Arduino, და სატარებელ მოწყობილობებს, როგორიცაა Google Glass.

არ შეგეშინდეთ, თუ თავს დამწყებად იგრძნობთ — ყველა რაღაცაშია დამწყები! ჩვენ მუშაობით ყოველდღე ახალ რაიმეს ვსწავლობთ და ეს არის იმ კარიერის ნაწილი, რომელიც ძალიან მიყვარს.