როგორ შეიძლება ცარიელი გვერდის გადაქცევა თქვენი ოცნების ვებგვერდად? შეგიძლიათ, უბრალოდ დაიწყოთ HTML-ისა და CSS-ის წერა - პროცესში შეცვალოთ რაღაცები, ამოიღოთ ის, რაც არ მოგწონთ, დაამატოთ ის, რაზეც ფიქრობთ და სიტუაციიდან გამომდინარე გადააწყოთ გვერდის ნაწილები.
ეს ყოველთვის არ არის საუკეთესო სტრატეგია, რადგან შესაძლოა, დიდი დრო დაიხარჯოს HTML–ისა და CSS–ის წერაში, რომელსაც მოგვიანებით გააუქმებთ. ამის ნაცვლად, თქვენი ვებ–გვერდი შექმნამდე უნდა დაგეგმოთ. შეგიძლიათ, გაარკვიოთ შიგთავსი, განთავსების გეგმა, ვიზუალი და აღქმადობაც კი.

"ბრეინსტორმინგი"

ყველაფრის დაგეგმვის პირველი ნაბიჯი ხშირად არის "ბრეინსტორმინგი"—იმ ყველაფრის გამორკვევა, რისი გაკეთებაც შეიძლება, მოგინდეთ. ამ პროცესის დროს თქვენი აზრების ვიზუალურ რუკებს ხატავთ ფურცლებზე, მოკლე ნიშნულებს აკეთებთ დოკუმენტში ან დაფაზე აკრავთ მისაკრობ ფურცლებს.
შეგიძლიათ, დაკავდეთ ბრეინსტორმინგით მარტო ან თუ გსურთ იდეების არეალის გაზრდა, დაიხმარეთ თანამშრომელი. თანამშრომელთან ბრეინსტორმინგის დროს გამოიყენეთ "დიახ და..." მიდგომა. არ გაამახვილოთ ყურადღება იმ იდეებზე, რომლებიც არ ეწყობიან თქვენი თანამშრომლის იდეებს; გაამახვილეთ ყურადღება ისეთ რაღაცებზე, რომლებიც ნამდვილად იმუშავებენ და ისეთ იდეებზე, რომლებმაც კომბინაციაში შესაძლოა, მოგვცენ დადებითი შედეგი.
ბევრი იდეის გამომუშავების შემდეგ უნდა გადაწყვიტოთ, რომლების განხორციელება გსურთ. პრიორიტეტი მიანიჭეთ მათ, რომლებიც ყველაზე მეტად მოგწონთ—სცადეთ მათი ვარსკვლავით მონიშვნა ან სიაში დამატება—უარყავით დანარჩენები ან დაიმახსოვრეთ მომავლისთვის.

ქაღალდზე პროტოტიპის შექმნა

შემდეგი კარგი ნაბიჯია ფურცელზე პროტოტიპის შექმნა —თქვენი ვებგვერდი, მაგრამ - ფურცელზე. ეს არის თქვენი ვებგვერდის კომპონენტების მონახაზი, რომელსაც შიგთავსის ნაცვლად აქვს ნაჯღაბნები და ელემენტების ნაცვლად - უჯრები.
ქვემოთ მოცემულია SF კიშის ფურცლის პროტოტიპი, ვების აპლიკაცია, რომელიც დააკმაყოფილებს კიშის პოვნის ყველა თქვენს საჭიროებას:
ვინაიდან ფურცელზე პროტოტიპის გაკეთებას დიდი დრო არ სჭირდება, შეგიძლიათ, მალე გაიაროთ და არ დაყოვნდეთ თქვენს თავდაპირველ დიზაინზე. აგრეთვე, შეგიძლიათ, ერთდროულად ბევრი პროტოტიპი გააკეთოთ და შეგიძლიათ, თქვენი ვებგვერდის ბევრი გვერდის პროტოტიპი შექმნათ.
პროტოტიპის შექმნის შემდეგ კარგი იქნება, თუ მას მოსინჯავთ მომხმარებელთან ერთად. აჩვენეთ ეს პროტოტიპი მეგობარს, შემდეგ ჰკითხეთ, რას დააჭერდნენ პირველად ან საით გაექცეოდათ თვალი. ვნახოთ, რას გეტყვიან.

ჩარჩოები

როდესაც კარგად გაერკვევით თქვენი ქაღალდის პროტოტიპებში, თქვენ შესაძლოა, მოგინდეთ მათი გადაქცევა კარკასულ მოდელებად. კარკასული მოდელი ჰგავს პროტოტიპს, თუმცა მცირე განსხვავებით - ჩვეულებრივ ის ციფრულადაა დახატული და უფრო ზუსტია. კარკასული მოდელი შედგება ყუთებისგან (რომლებიც გამოსახავენ გვერდის თითოეულ ნაწილს) და საჭიროებისამებრ ტექსტის და პატარა ხატულებისგან. მაგალითისთვის, ქვემოთ მოცემულია ჩვენი SF კიშის აპლიკაციის კარკასული მოდელი:
ეს კარკასული მოდელი შექმნილია პოპულარული ონლაინ პროტოტიპების შექმნის ინსტრუმენტის MyBalsamiq-ის საშუალებით. თქვენ, ასევე, შეგიძლიათ, შექმნათ კარკასული მოდელები ფიგურების საშუალებით (რომლებსაც ნახავთ საოფისე ინსტრუმენტებში, როგორებიცაა Powerpoint/Keynote) ან დიზაინისთვის განკუთვნილი აპლიკაციების გამოყენებით: Photoshop, Gimp, InDesign. თქვენ, ასევე, შეგიძლიათ, მოძებნოთ სხვა პროტოტიპების შესაქმნელად განკუთნილი ინსტრუმენტები ინტერნეტში. აპლიკაციის არჩევისას გახსოვდეთ, რომ ჩარჩოს შემქნელი მრავალი აპლიკაცია ფასიანია.
როდესაც შექმნით თქვენს კარკასულ მოდელებს, თქვენ შესაძლოა, მოისურვოთ, სამომხმარებლო ტესტირების კიდევ ერთ გამოწვევას შეერკინოთ. კარკასულ მოდელების შექმნის სხვადასხვა ინსტრუმენტი მოგცემთ საშუალებას, გაუზიაროთ სხვებს თქვენი კარკასული მოდელები დასაკომენტარებლად. ასეთი ინსტრუმენტია InvisionApp, რომლითაც შეძლებთ, შექმნათ ინტერაქტიული ჩარჩოები დაწკაპუნებადი ადგილებით, რომლებიდანაც შეძლებთ ახალ ეკრანებზე გადასვლას.
იტვირთება