ძირითადი მასალა

გავლენა

კვლევები აჩვენებს, რომ ხანის აკადემიის პერსონალიზებულ, დახელოვნებაზე დაფუძნებულ სწავლებას დადებითი გავლენა აქვს აკადემიურ შედეგებზე.

სწავლის შედეგები აღემატება ტიპურ ზრდას.

LBUSD

მოსწავლეები იმაზე უკეთეს შედეგს აჩვენებენ, ვიდრე ადგილობრივი სასკოლო უბნის დადგენილებით იყო მოსალოდნელი.

სამხრეთ კალიფორნიაში ლონგ-ბიჩის გაერთიანებულ სასკოლო უბანთან პარტნიორობით საჯარო სკოლის 5,348-მა მოსწავლემ მათემატიკის სასწავლად გამოიყენა ხანის აკადემია, რომელსაც ყოველი კვირის 1 გაკვეთილზე იყენებდნენ. იმ მოსწავლეებმა, რომლებმაც ხანის აკადემია გამოიყენეს, დამატებითი 22 ქულა (.20 ES) აიღეს Smarter Balanced Mathematics Assessment-ის სკალაზე. უბნის მიხედვით, ეს მოსალოდნელზე დაახლოებით 2-ჯერ მეტია იმათთან შედარებით, ვისაც ხანის აკადემია არ გამოუყენებია.

კვლევა სრულად
FSG

მოსწავლეებმა, რომლებმაც მათემატიკის სასკოლო მასალის 60% ან მეტი შეასრულეს ხანის აკადემიაზე, მოსალოდნელზე 1.8-ჯერ უკეთესი შედეგი აჩვენეს NWEA MAP Growth Assessment-ის ტესტის მათემატიკურ ნაწილში.

FSG-იმ ჩაატარა კვლევა ხანის აკადემიის პილოტირებაზე აიდაჰოს შტატის მასშტაბით, რომელშიც მონაწილეობდა 173 მასწავლებელი და 10500 მოსწავლე 2013-14 სასწავლო წელს.

კვლევა სრულად
SRI International

მათემატიკაში ხანის აკადემიის გამოყენება ასოცირდება მოსალოდნელზე უკეთეს ქულებთან, ნაკლებ ნერვიულობასა და მეტ თავდაჯერებულობასთან.

სტენფორდის კვლევის საერთაშორისო ინსტიტუტმა ჩაატარა ორწლიანი კვლევა 20 საჯარო და კერძო სკოლაში. კვლევაში მონაწილეობდა 70 მასწავლებელი და 2000 მოსწავლე 2012-13 სასწავლო წელს.

კვლევა სრულად

“მომწონს, რომ ხანის აკადემია შენს შეცდომებს გაჩვენებს. ეს მართლა დამეხმარა სიტყვების კონტექსტში გაგებაში; იგი მართლა ნაწილებად შლის ყველაფერს. PSAT/NMSQT-ის ქულებით ჩემს თავში ეჭვი მეპარებოდა, მაგრამ მასწავლებლებმა მაჩვენეს, რომ ხანის აკადემიით ამას შევძლებდი. ხანის აკადემია რომ არა, SAT-ის პრაქტიკაზე წვდომა არ მექნებოდა. ნამდვილი მარგალიტია!”

—ტატიანა, ფლორიდაში, ორლანდოში ოაკ რიჯის დამამთავრებელი კლასის მოსწავლე
ხანის აკადემიის ვებგვერდის კარიკატურა ლეპტოპზე წიგნით და ვაშლით.

მოსწავლეები, რომლებიც SAT-ის სავარჯიშოებს იყენებენ, უფრო მაღალ ქულას იღებენ SAT-ში.

ოფიციალური SAT პრაქტიკა

30-ქულიანი ზრდა, 1.5-ჯერ მაღალი შედეგი SAT-ში

2017 წელს ხანის აკადემიამ და College Board-მა, SAT-ის ტესტის შემქმნელმა, დაახლოებით 250,000 მოსწავლისთვის გააანალიზეს PSAT/NMSQT-ისა და SAT-ის ქულები. შედეგებმა აჩვენა, რომ ხანის აკადემიაზე SAT-ის ოფიციალურ პრაქტიკაში 6-8-საათიანი ვარჯიში უკავშირდება საშუალოდ 90-ქულიან ზრდას PSAT/NMSQT-დან SAT-ში, ნაცვლად 60-ქულიანი ზრდისა იმ მოსწავლეებში, რომლებიც მას არ იყენებენ.

კვლევა სრულად
რამდენიმე ვარიანტიანი ტესტის კარიკატურა წიგნით და კალმით.

ხანის აკადემია მოწინავე ონლაინ რესურსია, რომელსაც ენდობიან აშშ-ის მასწავლებლები.

იმ მასწავლებლებისა და მოსწავლეების
90%
, რომლებმაც გამოიყენეს ხანის აკადემია, ამბობენ, რომ ის ყველაზე ეფექტური სასწავლო ონლაინ რესურსია.
უნივერსიტეტის პირველი და მეორე კურსის სტუდენტების
85%
, რომლებსაც გამოუყენებიათ ხანის აკადემია, ამბობენ, რომ ის მათ უნივერსიტეტისთვის მომზადებაში დაეხმარა.
მასწავლებლების
88%
-ისთვის ხანის აკადემია სანდო პლატფორმაა.
წყარო: 1,503 რესპონდენტისგან შემდგარი 2018 წლის ConStat U.S. Online Education Customer Survey

“როცა არ შემეძლო, მშობლებისთვის მეთხოვა დახმარება, ხანის აკადემიის ვიდეოები მეხმარებოდა. ხანის აკადემია იყო კერძო მასწავლებელი, რომლის საშუალებაც ჩემს ოჯახს არ ჰქონდა. ყოველთვის, როცა რაიმეს სწავლა მინდოდა, ვირჩევდი გაკვეთილს ხანის აკადემიის ასობით ვიდეოს შორის.”

— სტენფორდის უნივერსიტეტის პირველი თაობის სტუდენტი

უნივერსიტეტის იმ სტუდენტებს, რომლებიც ხანის აკადემია იყენებენ, უფრო მაღალი ქულები აქვთ მათემატიკურ კურსებში.

ახალი ინგლისის უმაღლესი განათლების საბჭო

ვარჯიშის დრო და დახელოვნება ხანის აკადემიაზე დადებითად აისახება Accuplacer-ის ალგებრის ტესტის ქულებსა და კურსის გავლის მაღალ ტემპზე.

ახალი ინგლისის უმაღლესი განათლების საბჭომ ხუთი შტატის 12 უნივერსიტეტში 1,226 სტუდენტს ჩაუტარა ორწლიანი კვლევა ხანის აკადემიის გამოყენებაზე.

კვლევა სრულად

შედეგებს სხვა ქვეყნებშიც ვხედავთ.

გლობალური ატლასის კარიკატურა წიგნებით.
რიცხვებში

ელ-სალვადორში მათემატიკის სწავლებაში ხანის აკადემიის ინტეგრებამ ქვეყნის საშუალოზე .19 სასწავლო წლით უკეთესი შედეგი გამოიღო.

ბერნის უნივერსიტეტისა და შვეიცარიული არაკომერციული ორგანიზაცია Consciente-ს მკვლევრები გაერთიანდნენ, რათა შეეფასებინათ ხანის აკადემიის ეფექტი რანდომიზებულ კონტროლირებად ექსპერიმენტში, რომელშიც მონაწილეობდნენ დაწყებითი სკოლის 3500 მოსწავლე და მათი მასწავლებლები.

კვლევა სრულად
MANUAS

ხანის აკადემიის გამოყენებას სხვა რესურსებთან შედარებით უფრო დიდი დადებითი ეფექტი აქვს მოსწავლის მათემატიკურ მოსწრებაზე. მოსწავლეებს, რომლებიც ხანის აკადემიას იყენებდნენ, მათემატიკაში ქულის 10-პროცენტიანი ზრდა ჰქონდათ, რაც ტრადიციული პროგრამით გათვალისწინებულზე ორჯერ მეტია.

MANAUS-მა, დამოუკიდებელმა კვლევითმა ორგანიზაციამ, გვატემალაში, საკატეპეკში, შეაფასა Sergio Paiz Andrade Foundation-ის (Funsepa-ს) 2015 წლის ხანის აკადემიის საპილოტე პროგრამა, რომელშიც მონაწილეობდა 206 მასწავლებელი და 2,356 მოსწავლე.

კვლევა სრულად
რიცხვებში

მეხუთეკლასელების მათემატიკის პროგრამაში ინტეგრირდა 30%-ით მეტი სწავლება ხანის აკადემიის გამოყენებით.

„Schools Project-ში“ 2015 სასწავლო წელში Lemman Foundation’s Innovation-მა მხარი დაუჭირა მასწავლებლებს იმაში, რომ ხანის აკადემია დანერგილიყო სწავლებაში კვირაში ერთი საათის განმავლობაში ბრაზილიის 143 საჯარო სკოლაში.

კვლევა სრულად
რიცხვებში

ხანის აკადემია მხარს უჭერს მათემატიკის შრი-ლანკელ მოსწავლეებს. პროგრამამ აჩვენა მოსწრების მნიშვნელოვანი ზრდა (.20 ES).

დამოუკიდებელმა მკვლევრებმა ჩაატარეს კვლევა, რომელშიც მონაწილეობდა შრი-ლანკის 632 მეცხრეკლასელი. 2014 სასწავლო წელს მოსწავლეები მათემატიკის პროგრამაში დამხმარე საშუალებად იყენებდნენ ხანის აკადემიის ვიდეოებს.

კვლევა სრულად

გინდათ, ხანის აკადემია თქვენი შედეგების მოსწავლეებისთვის გაზიარებაში დაგეხმაროთ?

რეგისტრაცია